မိဘနဲ့တူသောအစိုးရ (အပိုင်း ၁ - ၂)

( ရေးသားသူ- မောင်မောင်ဝမ်း)

အပိုင်း ( ၁ )

မကောင်းမြစ်တား၊ ကောင်းရာညွှန်လတ်၊ အတတ်သင်စေ၊ ပေးဝေနှီးရင်း၊ ထိမ်းမြားခြင်းလျှင်၊ ၀တ်ငါးအင်၊ ဖခင်မယ်တို့တာ။

ကျနော်တို့ငယ်ငယ်ကသင်ခဲ့ရတဲ့ဆောင်ပိုဒ်လေးပါ။တော်တော်များများရင်းနှီးနေကြလိမ့်မယ်လို့ထင်ပါတယ်။မိဘတွေက သားသမီးတို့အပေါ်ထားအပ်သော ၀တ္တရားများပေါ့၊ လောကမှာမိဘတော်တော်များများဟာ သားသမီးအပေါ်မှာမေတ္တာကြီးမားတတ်တယ်ဆိုတာ စာဖွဲ့အထူးပြောဘို့လိုမယ်မထင်တော့ပါဘူး၊ ဒါပေမဲ့လည်း တချို့သောချွှင်းချက်များတော့ရှိတာပေါ့လေ၊ ဒါကလည်းဖြစ်တောင့်ဖြစ်ခဲပါ၊ မိဘတွေက သားသမီးကို သတ်ပစ်တာတို့၊ ပြည့်တံစာလုပ်ငန်းအတွက်ရောင်းချခဲ့တာတို့ ဆိုတာတွေက ကြုံရခဲတဲ့ကိစ္စပါ၊ ကြုံခဲ့ရင်တောင်မှ ရှားပါးတဲ့ဖြစ်ရပ်ဖြစ်ပါလိမ့်မယ်၊ ဒီလိုအဖြစ်မျိုးရှိလာခဲ့ရင်တောင်မှ ဘယ်သူကမှ အားပေးအားမြှောက်နဲ့ ဂုဏ်ယူနေမှာမဟုတ်သလို ၀ိုင်းဝန်းပြစ်တင်ရှုတ်ချကြမှာအမှန်ပါပဲ။

လူတိုင်းမှာ ကိုယ့်ကိုမွေးထုတ်ခဲ့သူတွေဟာမိဘတွေဖြစ်သလို ၊ တိုင်းပြည်တပြည်မှာ အစိုးရဆိုတာကလည်း တကယ်တော့မိဘပါ ၊ မိဘအစစ်တွေမဟုတ်သည့်တိုင်အောင် ပြည်သူလူထုတရပ်လုံးရဲ့ မိဘနေရာမှာရှိနေရတဲ့ သူတွေလို့ ကျနော်ယုံကြည်ပါတယ်။ သားသမီးများရဲ့ကောင်းမွေ၊ဆိုးမွေများကိုမိဘများကခံကြရသလို သားသမီးများအပေါ်တာဝန်ကျေကြဘို့ကိုလည်း မိဘတိုင်းနီးပါး ကြိုးစားအားထုတ်တတ်ကြပါတယ်။ ထို့နည်းတူစွာ အစိုးရဆိုတာကလည်း ပြည်သူများရဲ့ကောင်းမွေဆိုးမွေများကို ခံကြရပါမယ်။ ပြည်သူလူထုအပေါ် တာဝန်ကျေဘို့လိုပါလိမ့်မယ်။ ဒါမှ မိဘနဲ့တူသောအစိုးရဖြစ်နေမှာပါ။ ဘယ်ပြည်သူလူထုမဆို မိဘနဲ့တူသော အစိုးရကို အလိုရှိကြမှာအမှန်ပါ။

တနေ့ .. ကျနော်အင်တာနက်ပေါ်မှာ G- talk ဖွင့်ထားတုန်း ၂ ပတ်ကျော်လောက်လိုင်းပေါ်မှာပျောက်နေတဲ့ မြန်မာပြည်က ကျနော့်တူတစ်ယောက်နဲ့ အဆက်သွယ်ပြန်ရပါတယ်။ သူက အခုမှ ၁၆ နှစ်သား ဆယ်တန်း တက်နေတယ် ကျနော်က အမေရိကံပြည်ထောင်စု နယူးရောက်ပြည်နယ် ၊ ဘတ်ဖဲလိုးမြို့မှာနေတာပါ၊

“ ဦးဝမ်း… မြန်မာပြည်က ..အင်တာနက်တွေ..ရွှေးကောက်ပွဲနီးလို့လားမသိဘူးဖြတ်ထားတယ်”

“ဟုတ်လား……….”

“နောက်ပြီး လိုင်းတွေကလည်း.. အရမ်းနှေးတယ်ဗျာ.. အင်တာနက်သုံးရတာ အဆင်ကိုမပြေဘူး မီးကလည်း လာလိုက်မလာလိုက်နဲ့ ဦးတို့ဆီမှာရော အဲဒါမျိုးလိုင်းဖြတ်တာတွေ.. လိုင်းတွေနှေးတာတွေဖြစ်လား”…… ကျနော်တချက်ပြုံးမိလိုက်တယ်.. ဒါပေမဲ့ ကျနော့်ရင်ထဲမှာတော့ တော်တော်လေးကိုထိခိုက်သွားပါတယ်။ သူက သူအမြင်နဲ့ကြုံနေရတဲ့ အခက်ခဲကိုလှမ်းငြီးကြည့်လိုက်တာပါ…..

---- ဘယ်ရှိမလည်း သားရဲ့.. ဦးတို့ဆီမှာ မီးပျက်တယ်ဆိုတာ.. လည်းမရှိဘူး.. အင်တာနက်လိုင်းတွေ ဖြတ်ထားတာတို့.. နှေးတာတို့ဆိုတာမရှိဘူး……ကျနော့်တူလေးရဲ့သက်ပြင်းချသံကိုတချက်ကြားလိုက်ရအပြီး သူ့ဘက်က အင်တာနက်လိုင်းက ပြတ်သွားပြန်ပါတယ်။ နောက်တခါ တတူတူနဲ့လှမ်းခေါ်ပြီး စကားဆက်ပြောမယ်ကြံတော့ စကားသံကပြောရလိုက်မရလိုက်နဲ့…… ကျနော်တော်စိတ်မကောင်းဖြစ်သွား တယ်။ သူငြီးမယ်ဆိုလည်းငြီးလောက်ပါတယ်။ မြန်မာပြည်မှာ အခု အင်တာနက် ၀န်ဆောင်မှု့လုပ်ပေးတဲ့ ကုမဏ္ဍီဘယ်နှစ်ခုရှိလည်းမသိဘူး ဒီမှာတော့ ကျနော်တို့မြို့သေးလေးမှာတောင်မှ .. ကုမဏ္ဍီ ၅ ခုအပြိုင်ရှိပါတယ်။ သုံးစွဲရာမှာလည်း စာအုပ်တအုပ်က စာရွှက်တွေကိုလှန်ဖတ်နေသလိုမျိုး မြန်ဆန်ပါ တယ်။လွတ်လပ်တဲ့ဒီမိုကရေစီ ( Liberal Democracy )ကျင့်သုံးနေတဲ့နိုင်ငံရဲ့ အနှစ်သာရဟာဒါမျိုးပါ့လား စဉ်းစားနေတုန်း.. တခါ တူလေးဆီကလှမ်းခေါ်သံကြားလို့ လက်ခံနားထောင်လိုက်တော့ စကားနည်းနည်း ပြောရပြန်တယ်……

“ ဦးဝမ်း.. အလုပ်နားနေရတယ်ဆို.”

“ အေးကွ.. ငါအလုပ်ကနားနေရတယ်”

“ ဟင်.. ဒါဆို ဦးဝမ်း ၀င်ငွေမရှိတော့.. ဘယ်လိုလုပ်မလည်း.. ဘာနဲ့စားကြမလည်း”

“ အစိုးရကကြွေးတယ်.. အစိုးရကပေးတယ်ကွ ”

“ ဟာ.. ဦးဝမ်းကလည်း.. သားက အတည်ပြောနေတဲ့ ဥစ္စာ.. နောက်နေတယ် ”

“ ဘယ်ကလားနောက်ရမှာလည်း.. ဦးအလုပ်ကနားနေရတော့.. အစိုးရက စားဘို့ဆိုပြီး တလ.. မိသားစု ၃ ဦးကို ဒေါ်လာ ငါးရာကျော်ပေးတယ် .. နောက်ပြီး တပတ်ကို ဒေါ်လာ ၂၅၀ ပေးတယ်ကွာ.. တလ ၁၀၀၀ ပေါ့ .. ငါမနောက်ပါဘူးကွာ.. တကယ်ပြောနေတာပါ ”

“ တကယ်….”

“ တကယ်ပေါ့သားရဲ့.. ဦးဝမ်း.. သားကိုဘယ်တုန်းကလိမ်ပြောဘူးလို့လည်း ”

“ အစိုးရက.. တလကို ဒေါ်လာ ၁၅၀၀ ကျော် အလကားထောက်ပံ့ထားတယ်ဆိုတာ မြန်မာငွေနဲ့ဆို ၁၃သိန်းလောက်ရှိတယ်.. သားဖြင့် ဦးဝမ်းပြောလို့သာယုံရတယ်.. ကြားတောင်မကြားဘူးဘူး.. သားသူငယ်ချင်း တယောက်အဖေဆို..စစ်တပ်ထဲကနေပင်စင်နဲ့ထွက်လာတာတောင်မှ.. တလတလ.. စားဘို့ အလျှဉ်မမှီဘူးဗျာ.. သနားပါတယ်..” သူရဲ့အသံတွေထဲမှာ ကရုဏာနဲ့ရောစွက်နေတဲ့ မကျေနပ်သံတချို့ကိုလှမ်းမြင်လိုက်သလို ခံစားလိုက်ရတယ်။ အမေရိကားမှာ အလုပ်လုပ်နေတဲ့ လူတယောက်ဟာ သက်ဆိုင်ရာ ကုမဏ္ဍီက အကြောင်းအမျိုးမျိုးကြောင့်ရပ်နားလိုက်ရတယ်ဆို.. အဲဒီကုမဏ္ဍီနဲ့ အစိုးရပေါင်းပြီး ၀န်ထမ်းတွေကို ထောက်ပံ့ရပါတယ်။ တပတ်ကိုဘယ်လောက်ဆိုတာတော့ တစ်ယောက်နဲ့တစ်ယောက်မတူဘူး ( သူ အလုပ်လုပ်လို့ရလာတဲ့ ၀င်ငွေအပေါ်တည်မှီပြီးဆုံးဖြတ်တယ်) ၊ ပြီးတော့ အစားအသောက်အတွက် မိသားစုဦးရေ အပေါ်တည်မှီပြီးပေးတယ်..အလုပ်လက်မဲ့ထောက်ပံ့ကြေးကို ပျမ်းမျှအားဖြင့် ၂ နှစ်လောက်အထိ ပေးပါတယ်။ ဒီအတောအတွင်း အလုပ်တခုရအောင်ရှာပေါ့ ။ မရခဲ့ရင်ရောဆိုရင် အစိုးရကနေ တခါ လူမှု့ထောက်ပံ့ရေးအသွင်သဏ္ဍန်တမျိုးနဲ့ ထပ်ပေးပြန်တယ်။ ဒါကတော့ အမေရိကားမှာရှိတဲ့ ဘယ်သူမဆို.. လ ၆၀ ( ၅ နှစ် ) ခံစားခွင့်ရှိတယ်၊

အစားအသောက်အတွက်ကတော့ တော်တော်ကြာကြာထိကိုထောက်ပံ့ပါတယ်။အစိုးရဟာ လူထုကို ဘယ်တော့မှအငတ်မခံဘူး။ ဒါဆို နအဖပြောသလိုမျိုး အိုးမဲ့ အိမ်မဲ့တွေအများကြီးဆိုတာကို ကျနော် နည်းနည်းလေးရှင်းပြခြင်တယ်။ အမေရိကားမှာ လူတွေကို ခရက်တစ် ( credit ) ဆိုတာနဲ့ ချုပ်ထားတယ် ခရက်တစ်ဆိုတာ အကြွေးဝယ်စနစ်နဲ့ပေးထားတဲ့ ကဒ်ကလေးတွေကို တင်ပြောတာမဟုတ်ပါဘူး.. လူတစ်ယောက်ရဲ့ရာဇ၀င်ဆို ပိုမှန်မလားမသိဘူး၊ လူတယောက်ရိုးသားတာ၊ အပြစ်မရှိတာ၊ အလုပ်ကြိုးစားလုပ်တာ၊ ပစ္စည်းတွေကိုအကြွေးစနစ်နဲ့ဝယ်ရင်မှန်မှန်ပြန်ပေးတာ၊ရာဇ၀တ်မှု့ကင်းတာ၊စသဖြင့် ကျန်တာတွေလည်း အများကြီးရှိသေးတာပေါ့ အဲဒါတွေကို အမှတ်ပေးစနစ်နဲ့ ပေးတယ်။ မေးစရာတစ်ခုရှိမယ်.. ခင်ဗျားက လိုခြင်တဲ့ ပစ္စည်းတခုကို အကြွေးနဲ့ဝယ်ပြီး ပြန်မဆပ်ဘူးဆိုရင်ရော ( ဗမာပြည်မှာဆို အကြွေးရရင်ဆင်တောင်ဝယ်စီးမဲ့သူများအတွက်)၊ ရတယ်။ မဆပ်နဲ့ ၊ အချိန်တန်လို့ လစဉ်ပေးရမဲ့ အကြွေးကို မပေးတော့ဘူးဆိုရင်.. အဲဒီပစ္စည်းကို ပိုင်ရှင် ကုမဏ္ဍီတွေက လာသိမ်းမှာပဲ မပူနဲ့ ၊ မော်တော်ကားဆို ကြိုက်တဲ့နေရာမှာဖွက်ထား သူတို့ကသိတယ်.. ရေဒါစနစ်တွေနဲ့လုပ်ထားတာ။ ပြီးရင် ခင်ဗျား ခရက်တစ်ကဆိုးသွားပြီ ၊ ခရက်တစ်ဆိုးတော့ဘာဖြစ်မလည်း၊ ခင်ဗျားဘာမှအကြွေးဝယ်လို့မရတော့ဘူး၊ ဘဏ်တွေကလည်း ပိုက်ဆံချေးလို့မရတော့ဘူး၊ အနိမ့်ဆုံး အိမ်တောင်ဌားနေလို့မရတော့ဘူး၊အလုပ်တွေက လက်မခံဘူး၊ ခရက်တစ်ကောင်းရင်ရောဘာဖြစ်မလည်း အိမ်ဝယ်ခြင်တယ် ဒေါ်လာတသိန်းတန်လောက် အိမ်တောင်မှ အရစ်ကျဝယ်လို့ရတယ် တလခြင်းနည်းနည်းဆပ်သွားရတယ် ခင်ဗျားပေးတာမှန်လေ ခရက်တစ် အမှတ်ကတက်လေပဲ။ စ၀ယ်ဝယ်ခြင်း တစ်ပြားမှမကုန်ဘူး ကျနော်နေတဲ့ နယူးရောက်ပြည်နယ်မှာဆို ပထမဆုံးအိမ်ဝယ်မဲ့သူအတွက် အစိုးရက ဒေါ်လာ ၈၀၀၀ လောက်အထိ အလကားပေးတယ် ။ ခင်ဗျား အလုပ်သာရှိ ( အနည်းဆုံး ၂ နှစ်လောက်ပေါ့ ) နောက်တခါ ခရက်တစ်လည်းကောင်းဆို အိမ်တလုံးတပြားမှမကုန်ပဲဝယ်လို့ရတယ်။ ပြီးမှ တစ်လခြင်း နည်းနည်းပြန်ဆပ်ပေါ့၊ ကျနော်ပြောခဲ့တဲ့အတိုင်း ခရက်တစ်ဆိုးတဲ့သူတွေအတွက် အိမ်ဌားနိုင်တဲ့ပိုက်ဆံရှိလည်း အိမ်ရှင်တော်တော်များများက ခရက်တစ်စစ်ဆေးကြည့်လို့ဆိုးတယ်ဆိုရင်.. မဌားဘူး။ အဲဒီတော့ အိုးမဲ့ အိမ်မဲ့တွေဖြစ်ကုန်ရော၊ နောက်မေးစရာရှိနိုင်တာက.. အစိုးရက အမြဲထောက်ပံ့နေတော့.. ဗမာတွေးနဲ့ဆို အလုပ်မလုပ်ပဲထိုင်စားနေမယ် ဆိုရင်ရော… ဖြစ်တယ် ထိုင်စား။ ခင်ဗျား ခရက်တစ်ဆိုးနေမှာပဲ။ ခင်ဗျား အခွင့်ရေးတွေ အကုန်ဆုံးရှုံးမယ်.. ဒါပေမဲ့ ဘယ်တော့မှမငတ်ဘူး၊ အစိုးရကခင်ဗျားကိုကြွေးထားမယ်။ ခရက်တစ်ကောင်းရင် ခင်ဗျား လုပ်ငန်းတခုထူထောင်ခြင်တယ်ဆိုပါဆို့ . ဘဏ်တွေက ခင်ဗျားကို ပိုက်ဆံချေးခြင်ကြမှာ အလုအယက်ပဲ.. ဘာလုပ်ခြင်လုပ်ခြင်. သူတို့ထုတ်ချေးမယ်။ အမေရိကားမှာ အလုပ်လုပ်ခြင်းဟာလည်း ကောင်းမွန်သော ခရက်တစ်ကိုဖြစ်စေတယ်။ ပျင်းလို့မရဘူး၊

ကျန်းမာရေးနဲ့ပတ်သက်လို့ကလည်း ၀င်ငွေနည်းမိသားစုများကို အစိုးရကထောက်ပံ့တယ် နေထိုင်မကောင်း ကျန်းမာရေးချို့တဲ့ရင် အစိုးရကကူတယ် ( ကုန်ခြင်သလောက်ကုန်ပါစေ ) ကျနော်တို့ မြန်မာနိုင်ငံသားတွေထဲမှာ ဆေးကုလိုက်ရတာ ဒေါ်လာ သိန်းနဲ့ချီကုန်တဲ့သူတွေရှိတယ်။ အစိုးရက ကူတယ်။ ဒီမှာ ဆေးခန်း၊ ဆေးရုံတွေဆိုတာ ပုဂ္ဂလိကပိုင်တွေချည်းပဲ ဆေးကုသစရိတ်ကလည်းဈေးကြီးတယ်။( ဒါပေမဲ့ ခင်ဗျားမှာ ၀င်ငွေကောင်းတယ်ဆိုရင်တော့ အခမဲ့ဆေးကုသခွင့်မရဘူး၊) ကိုယ်ပိုက်ဆံနဲ့ကိုယ်ကုရတယ်။ အဲဒီ ကုမဏ္ဍီတွေကို ခင်ဗျားဆေးကုလို့ ကုန်ကျစရိတ်အတွက် အစိုးရကပေးတယ်။ဘာမှပူစရာမလိုဘူး၊ အလကားဆေးသွားကုရတာဆို သိမ်ငယ်စရာမလိုဘူး ၊ တကယ်တော့ အလကားကုတာမဟုတ်ဘူး ၊ ခင်ဗျားကုန်ကျမဲ့ငွေကို အစိုးရကပေးတာ။

တပ်မတော်သားတွေ ကဏ္ဍပြောပြဦးမယ်၊ ဒီမှာ နိုင်ငံရပ်ခြားကနေရောက်လာပြီး နေထိုင်ခွင့် တရားဝင်ရှိတဲ့ သူတွေဆို စစ်ထဲဝင်ခြင်ကြတာအများကြီး ဘာလို့လည်းဆိုတော့ ဘ၀အာမခံချက်အပြည့်ရှိတယ်။ ရပိုင်ခွင့်တွေ အများကြီးပဲ။ တိုက်ပွဲမှာ ကျဆုံးသွားမယ်ဆိုရင်တောင်မှ ဒေါ်လာ သိန်းချီ ( မြန်မာငွေ သိန်းထောင်ချီပြီး ) ပေးတယ်။ မိဘ၊သားသမီး၊မိန်းမ၊လင်ယောကျာင်္း သူတို့အတွက်တောင်မှ အားလုံးနေဘို့ ထိုင်ဘို့က အစအားလုံး အစိုးရက တာဝန်ယူပေးတယ်၊ သူတို့တတွေ အလုပ်လုပ်ခြင်တယ်ဆိုရင်တောင်မှ အလုပ်လုပ်ခွင့် အခွင့်ရေး သူများထက်သာတယ် ( ဒါ စစ်သားမဟုတ်သေးဘူး စစ်သားဆွေမျိုးပဲရှိသေးတယ်)။ စစ်သားတွေ ပင်စင်ယူမယ်ဆို ထမ်းဆောင်ခဲ့တဲ့ နှစ်အလိုက်ကြည့်ပြီးလစာရကြတယ် ( အနည်းဆုံး ဒေါ်လာ ၂၀၀၀ နဲ့ အထက်မှာရှိတယ် ) ဒါသာမန်စစ်သားအဆင့် အရာရှိတွေဆို အများကြီး ပင်စင်လစာရတယ်။သူတို့ အလုပ်လုပ်လိုသေးတယ်ဆိုရင် ချက်ခြင်း အလုပ်သမားရှာဖွေရေးဌာနတွေက အလုပ်ရှာပေးတယ်။ စစ်သားဘ၀မှာလည်း အလုပ်ချိန် ဒါမှမဟုတ် တာဝန်ထမ်းဆောင်ချိန်မဟုတ်ပဲ အထက်အရာရှိက အောက်လက်ငယ်သားကို အမိန့်ပေးပိုင်ခွင့်၊ အာဏာပြပိုင်ခွင့်မရှိဘူး၊ သွားပြလို့ကတော့ ပြသနာတက်ပြီသာပြင်ပေတော့ အဲဒီလို၊ စစ်သားက စစ်သားအလုပ်ပဲလုပ်တယ် တခြားအလုပ်မှာဝင်မပါဘူး ၀င်မရှုတ်ဘူး၊ အဓိကထူးခြားတာက စစ်သားတွေ၊ရဲတွေကိုလူထုကချစ်တယ် လေးစားကြတယ်။ ဗမာပြည်နဲ့မကွာလားဗျာ၊

အပိုင်း ( ၂ )

ကျမတို့ပြည်သူတွေအတွက် လုံခြုံတဲ့စနစ်တခုကိုတည်ဆောက်ရမယ်။

( ဒေါ်အောင်ဆန်းစုကြည်၏ RFA အဖြေကဏ္ဍ)

ကျနော် အခုရေးနေတဲ့ မိဘနဲ့တူသောအစိုးရ ဆိုတဲ့ဆောင်းပါးရေးနေစဉ်မှာပဲ တယောက်က မိတ်ဆက်လာတယ်။ ကျနော်ကလည်း လက်ခံလိုက်ပါတယ်။ သူဘယ်သူဘယ်ဝါဆိုတာမသိပါဘူး၊ ကိုယ့် အကျင့်ကိုက လူတွေအပေါ် မသကာင်္စိတ်မထားတတ်တဲ့သူဆိုတော့ ၊ စီစစ်မှု့တို့ ၊ သံသယဆိုတာလည်း မရှိပါဘူး၊ ဒီလိုနဲ့ တနေ့ သူနဲ့ ကျနော် ဂျီတော့လ်ခ် မှာဆုံပါတယ်။

“ ကို မောင်မောင်ဝမ်းလား… ” ( အမျိုးသမီးတယောက်ရဲ့ အသံပါ )

“ ဟုတ်ပါတယ်..ခင်ဗျား…”

“ ကျမ ကိုတယောက်က ပြောလို့ပါ.. အကို့ရဲ့ဆောင်းပါးကိုဖတ်ပြီးတော့ပေါ့နော်.. ကျမလည်းဖတ်ပါတယ် ဘယ်သူလည်းဆိုတာတော့မပြောပရစေနဲ့. ကျမပြည်တွင်းကနေဆက်တာပါ.. ( အသံကတော့ တော်တော် ကြည်ပါတယ်၊ ပြတ်လည်းမသွားပါဘူး၊ ကျနော် တခြားသူတွေနဲ့စကားပြောပြီဆို ဘယ်တော့မှ ကောင်းကောင်း ပြောရတယ်မရှိပါ၊တော်တော်စိတ်ရှည်ရပါတယ် )

“ ဘာများပြောခြင်လို့ပါလည်း .. ကျနော် သိခွင့်ရှိမလား”

“ ဒီလိုပါ အကို့ရဲ့ဆောင်းပါးထဲမှာ .. အမေရိကားမှာ အစိုးရကလူတွေကို အငတ်မထားဘူးလို့ရေးထားပါတယ်.. ဒါပေမဲ့.သူကပြောတာက .. သူ့မိတ်ဆွေတွေအမေရိကားမှာအများကြီးရှိတယ်တဲ့ အဲဒါမေးကြည့်တော့. ငတ်သေနေတဲ့သူတွေအများကြီးရှိပါတယ်.. သူလိမ်ရေးနေတာပါလို့ပြောလို့ . ကျမသိပ်မရှင်းလို့ပါ ”

ဘယ်သူလည်းဆိုတာမပြောပရစေနဲ့လို့ စကားခံထားတော့..ဘာဆိုတာလည်းမမေးတော့ပါဘူး၊

ကျနော် တချက်ပြုံးလိုက်မိတယ်။ ဘေးနားကရပ်နေတဲ့ကျနော့်အမျိုးသမီးမျက်နှာက ရှုံ့မဲ့သွားပြီး ၊ အဓိပါယ်မရှိ ဆိုတဲ့ ပုံစံလုပ်နေပြနေတော့.. ကျနော်က အသာလေးတားရတယ်…၊

“ အမေရိကားမှာ အခုဆို မြန်မာနိုင်ငံသားတော်တော်များများရှိပါတယ်.. သိန်းဂဏန်းလောက်တောင် ရှိမလားမသိဘူး.. တယောက်ယောက်နဲ့ အဆက်သွယ်ရှိရင်မေးကြည့်ပါ.. ခင်ဗျားသူငယ်ချင်း ဆက်သွယ်တယ် ဆိုတာ တကယ်ရောဟုတ်ရဲ့လား အမေရိကားမှာ နေထိုင်နေတဲ့ ဘယ်မြန်မာနိုင်ငံသားမဆို ဒါကို အားလုံးသိပါတယ် ၊ ဒီလိုပါ..အမေရိကားမှာရှိတဲ့ သတ်မှတ်ဝင်ငွေထက်နည်းတဲ့ တရားဝင်နေထိုင်ခွင့် ရှိထားတဲ့မည်သူမဆိုပေါ့နော်.. သူတို့ကိုအစိုးရက.. အစားသောက်ကဒ် ( Food Stamp ) ဆိုတာ ထုတ်ပေးပါတယ်။ ၀င်ငွေများရင်တော့မရပါဘူး၊ အလုပ်မရှိတာတို့၊ ၀င်ငွေရှိပေမဲ့လည်း မိသားစုများလို့ မလုံလောက်တာတို့အတွက်ပေါ့.. ဒါအမှန်ပါ .. တလကိုထုတ်ပေးထားတာကတော့ တပြည်နယ်နဲ့တပြည်နယ် မတူပါဘူး.. ကျနော်နေတဲ့ နယူးယောက်ပြည်နယ်မှာဆိုရင်တော့.. ပျှမ်းမျှတလကို ..လူတယောက် ဒေါ်လာ ၁၇၀ လောက်ပေးပါတယ် ( သုံးယောက်ဆိုရင်တော့..ငါးရာကျော်ပေါ့ ).. အဲသလောက်ငွေဟာ လူတယောက်အတွက်ကောင်းကောင်းကိုလုံလောက်ပါတယ် .. တော်တော်ကို ကောင်းကောင်းမွန်မွန် စားရတာပါ.. အစားအတွက်ချွှေတာစားစရာမလိုတဲ့ ပမာဏပါ.. ဒါပေမဲ့ တချို့စာရိတ္တပျက်လူတွေ ရှိပါတယ်..အလုပ်လုံးဝမလုပ်ပါဘူး..မူးယစ်ဆေးဝါးသုံးစွဲတယ်..အစိုးရအထောက်အပံ့နဲ့ပဲရပ်တည်တယ်..အစိုးရကလည်းသိပေမဲ့ထောက်ပံ့ပါတယ် .. သူတို့က အဲဒီ အစားအသောက်အတွက်ထုတ်ပေးထားတဲ့ ပိုက်ဆံကိုတောင်မှ ဖလှယ်ပြီး မူးယစ်ဆေးဝါးသုံးစွဲပါတယ်..ဒါကတော့ သူတို့ရွှေးချယ်ခွင့်ပါ.. အစားသောက်ကဒ် ထုတ်ပေးတဲ့နေရာမှာ ပိုက်ဆံငွေသားထုတ်မပေးပါဘူး.. ကဒ်ပြားပဲပေးလိုက်တာပါ.. အစားသောက်ကလွဲလို့ တခြားအရာတွေလည်းဝယ်လို့မရပါဘူး.. ယုတ်စွအဆုံး ဆပ်ပြာမှုန့်တောင်ဝယ်လို့မရပါဘူး.. သူတို့ဖာသာသူတို့ မစားပဲ မူးယစ်ဆေးဝါးသုံးစွဲပြီး.အငတ်ခံနေတာကတော့.. အစိုးရနဲ့မဆိုင်ပါဘူး၊ ဒါပေမဲ့လည်း..ငတ်ပြတ်ပြီး သေကြတယ်ဆိုတာကတော့ ကျနော်လေ့လာမိသလောက် မကြားဘူးတာအမှန်ပါ ခင်ဗျာ ”

သူဘက်ကအသံကတိတ်နေတယ်။ဒါနဲ့ နားရောထောင်ရဲ့လားဆိုတာသိခြင်တာနဲ့

“ ဟလို..ဟလို”

“ ကျမလိုင်းပေါ်မှာရှိနေပါတယ် …..ပြောနေတာကို နားထောင်နေတာပါ ”

“ ကျနော်တင်ပြခဲ့တဲ့ အကြောင်းအရာတွေ အားလုံးအတွက် မှန်ကန်တယ်ဆိုတာ .. ကျနော်တာဝန်ယူပါတယ် ”

“ ကျမလည်း..အခုလို အစိုးရတရပ်က ပြည်သူကို ထမင်းအငတ်မခံဘူး.. အစားအသောက်အတွက် စိတ်ပူစရာ မလိုအောင်ထောက်ပံ့ပေးထားတယ်ဆိုတာ မကြားဘူးတာအမှန်ပါ .. ဗဟုသုတနည်းတယ်ပြောလည်းခံရမှာပေါ့”

ကျနော်တော်တော်ရင်လေးသွားပါတယ်။ ကိုယ်ကအမှန်ကိုတင်ပြခဲ့တာတောင်မှ မလိုသူများက ကိုယ့်လိပ်ပြာ ကိုယ်မလုံလို့ သွေးထိုးတာနဲ့ ယုံမှားသံသယ အဖြစ်ခံလိုက်ရတယ်။ ဒါကလည်းရှင်းပါတယ် မြန်မာနိုင်ငံမှာ စစ်အစိုးရက ပြည်သူမဆိုထားနဲ့ သူ့စစ်တပ်တောင်သူလုံလောက်အောင်ပေးထားနိုင်တာမှ မဟုတ်တာ၊ စစ်သားတွေလစာဘယ်လောက်များပေးထားနိုင်လို့လည်း၊ ရိက္ခာအလုံအလောက်ထောက်ပံ့မှု့ရော ပြည့်ဝပါရဲ့ လား မေးခွန်းထုတ်စရာပါ၊ အိမ်နီးချင်း ထိုင်းနိုင်ငံတောင်မှ စစ်သားတစ်ယောက်အတွက်လစာဟာ ပျမ်းမျှ ( ဒေါ်လာ- ၃၀၀ )၀န်းကျင်လောက်နဲ့ ရိက္ခာအလုံအလောက်ထောက်ပံ့ပေးထားနိုင်ပါ တယ်။ တိုင်းပြည်မတိုးတက် ပဲနဲ့ ၊ မချမ်းသာပဲနဲ့ အဆင့်မှီ တပ်မတော်တည်ဆောက်ဘို့ဆိုတာ အတော်ကိုခက်ခဲပါလိမ့်မယ်။ ဒီနေ့ မြန်မာ့တပ်မတော်ကိုပြန်ကြည့်မယ်ဆို ဒုတိယကမ္ဘာစစ်က စစ်တပ်တွေရဲ့အနေအထားထက်မပိုဘူးလို့တောင် ပြောခြင်ပါတယ်။ မာနနဲ့ခံပြီးငြင်းမယ်ဆိုရင်ငြင်းနိုင်ပါတယ် ( အရှိတရားဟာ အမှန်ဆိုတာကိုတော့ မျက်ကွယ်ပြုလို့မရနိုင်ကောင်းပါဘူး )၊ ဒါဘာဖြစ်လို့ ဒီလိုဖြစ်ရတာလည်း ဆန်းစစ်ကြည့်ရအောင်ပါ၊ စနစ်ကြောင့်ပါ ၊ သိပ်သေချာပါတယ် စနစ်ပါ၊ ဒီစနစ်ကို အပြောင်းပဲနဲ့ တိုင်းပြည်ဘယ်တော့မှ တိုးတက်ချမ်းသာလာမှာမဟုတ်ပါဘူး၊ ဒီအကြောင်းရာတွေကို တင်ပြရေးသားခြင်းအပေါ် မေးခွန်းထုတ်လို့ ရပါတယ်။ ခင်ဗျားက အမေရိကားကို အထင်ကြီးအားကျလို့လားလို့မေးခဲ့ရင်တောင်မှ ဟုတ်ပါတယ်လို့ရဲ ၀ံ့စွာဝန်ခံပါ့မယ်။ ကျနော် ချမ်းသာတိုးတက်တဲ့ နိုင်ငံကို အားကျလို့ အတုယူဘို့ ရေးသားတယ်ဆိုပိုမှန်ပါတယ်။ မြောက်ကိုရီးယားလို့ ပြည်သူတွေငတ်ပြတ်နေတာတောင် နောင်တမရသေးဘူး နယူးကလီးရား တန်ခိုးနဲ့ ထောင်ထောင် လုပ်နေတဲ့ တိုင်းပြည်မျိုး ကိုအားကျ မခိုင်းပါဘူး၊ နအဖပြောနေသလို မြန်မာနိုင်ငံဟာ အမှန်တကယ်ဖွံ့ဖြိုးပါတယ်ဆိုရင် တခြားကဏ္ဍကိုမပြောပါဘူး တပ်မတော်ထဲမှာရှိနေတဲ့ စစ်သားတွေကိုပဲ လုံလောက်အောင်ထောက်ပံ့ပါဦး၊ အနည်းဆုံး ထိုင်းစစ်သားတစ်ယောက်ရဲ့တစ်လ လစာဟာ ဒေါ်လာ ၃၀၀လောက်ပျမ်းမျှရှိတယ်ဆိုရင် ၊ မြန်မာစစ်သားတယောက်အတွက် ( ရိုးရိုးရဲဘော်ပေါ့ ) ဒေါ်လာ ၁၅၀လောက်ပဲပေးစမ်းပါဦး၊ အဲဒါဆို မြန်မာ့တပ်မတော် အဆင့်ရှိနေပါသေးတယ်ဆိုတာကို လက်ခံပေးလိုက်မယ်၊ နိုင်ငံတနိုင်ငံမှာ အုပ်ချုပ်ရေး အာဏာ၊ တရားစီရင်ရေးအာဏာ၊ ဥပဒေပြုအာဏာ ဆိုတဲ့ သုံးရပ်လုံးကို တစ်ယောက် ၊ တစ်စု ၊ တစ်ဖွဲ့က ချုပ်ကိုင်ထားရင် အဲဒီနိုင်ငံ မစွံဘူးသာပြင်ပေတော့ ၊ တခုခုတော့ ချွှင်းယွင်းနေမှာအမှန်ပဲ။ တရုတ်ပြည်ကို ဥပမာပေးပြောခြင်တယ်ဆိုရင် တရုတ်ပြည်မှာ ကွန်မြူနစ်ပါတီ ကချုပ်ကိုင်ထားတယ်၊ တိုင်းပြည်စီးပွားရေးတိုးတက်တယ်ဆိုရင် သန်းထောင်နဲ့ချီပြီးရှိနေတဲ့ လူတွေကို ထမင်းကြွေးထားနိုင်လား၊ လူအခွင့်ရေးတကယ်ပြည့်ဝစွာရနေပြီလား ၊ သတ်ခြင်တိုင်းသတ်၊ ဖမ်းခြင်တိုင်းဖမ်းတွေက ရှိနေဆဲပါ၊ တည်ဆဲအစိုးရကိုဆန့်ကျင်လိုက်တာနဲ့ရက်ရက်စက်စက် နှိပ်ကွပ်တော့တာပဲ ။ အမေရိကားမှာ သမတတောင် ခံတွင်းမတွေ့ရင် ဆန္ဒပြလို့ရတယ်၊ ကျနော်တို့မြို့ကို သမတ အိုဘားမားလာတယ်၊ မြို့မှာဘာလှုတ်လှုတ်ရှားရှားမှမရှိဘူး၊ အားလုံးပုံမှန်ပဲ ၊ တချို့သိတောင်မသိကြဘူး၊ သူလာတော့ သူ့ကိုမကြိုက်တဲ့သူတွေက ဆန္ဒပြကြတာပဲ သမတကလည်း အဲဒီအပေါ် ဒေါသမထွက်ပါဘူး ၊ ပြုံးပြီးတောင်လက်ပြသွားသေးတယ်၊အမေရိကားမှာ ကိုယ့်ဆန္ဒကိုလွတ်လပ်စွာထုတ်ဖော်ခွင့်ရှိတယ်။ လူအယောက် တစ်ရာထက်မပိုရင် သတင်းပို့စရာမလိုဘူး၊ ဥပဒေဘောင်အတွင်းကငြိမ်းငြိမ်းချမ်းချမ်း ဆန္ဒထုတ်ဖော် ၊ ခွင့်ပြုတယ်၊လွတ်လပ်စွာရေးသားခွင့် အပြည့်ရှိတယ် ကြိုက်တာရေး၊တင်ပြ ၊ ဒါပေမဲ့ လူတစ်ဦးတစ်ယောက်ရဲ့ ဥပဒေပါ အခွင့်ရေးတွေကိုတော့ သွားမထိပါးနဲ့ လက်မခံဘူး ၊ တရားစွဲခံရမယ်သာပြင် ၊ ကိုယ်လုပ်တဲ့လုပ်ရပ်၊ ကိုယ်ရေးသားတင်ပြတဲ့ အရာတွေအတွက် ကိုယ်ကိုယ်တိုင် တာဝန်ခံနိုင်ရမယ်။ လွတ်လပ်တဲ့ ဒီမိုကရေစီ နိုင်ငံဆိုပေမဲ့ ပရမ်းပတာမထင်လေနဲ့ ( နအဖ ကမဟုတ်မမှန် အမေရိကံ ဆိုရင်ပရမ်းပတာနိုင်ငံလို့ ထင်မြင် အောင် ၀ါဒဖြန့်ထားတာလေ) ဥပဒေတွေက အရမ်းတင်းကြပ်တယ်၊ အမေရိကားထဲမှာ ဘယ်သူမှ အိမ်ရှေ့ထွက် လမ်းမထွက် အရက်သောက်လို့မရဘူး ဒါကို ဥပဒေနဲ့တင်းကြပ်ထားတာ၊ နောက်တခါ အမေရိကံပြည်ထောင်စုမှာ အာဏာသုံးရပ်ကို သီးခြားစီ ခွဲထားတာ ၊ မရောဘူး ၊ ဥပဒေပြုသူတွေက ဥပဒေပြု အလုပ်လုပ်၊ တရားစီရင်ရမဲ့လူက တရားစီရင်၊ သမတ က တိုင်းပြည်အုပ်ချုပ် တခုနဲ့တခု သွားလွှမ်းမိုးလို့မရဘူး၊ ဘယ်သူကမှ ဘယ်သူ့ကို ချုပ်ကိုင်လို့မရဘူး ၊ သမတမှားရင် အရေးယူခံရမှာပဲ ( ကလင်တန် ဥပမာကြည့်ပါ ) သမတ မို့ သူလုပ်ခြင်ရာလုပ်လို့မရဘူး၊ ငါ သမ္မတ ပဲဆို တရားစီရင်ရေးတို့ ၊ ဥပဒေပြုရေးတို့ အပေါ် သွား အာဏာပါဝါပြလို့မရဘူး၊ အဲဒါ လွတ်လပ်တဲ့ ဒီမိုကရေစီ ( Liberal democracy ) ရဲ့ အနှစ်သာရပါပဲ။ ကျနော်တို့ နိုင်ငံအတွက် ချက်ခြင်းကြီး ဒီလိုမဖြစ်နိုင်ဘူးဆိုတာတော့ ကောင်းကောင်းသဘောပေါက်ပါတယ်။ ဒါပေမဲ့ ယခုအချိန်ကထဲကစလို့ အစမပျိုးသေးဘူးဆိုရင်တော့ နောင်နှစ်ပေါင်းဘယ်လောက်ကြာကြာမျှော်လင့်ရဦးမလည်းဆိုတာကတော့ တွေးမိတိုင်းစိတ်ပျက်စရာပါ၊

နောက်တခါ အမေရိကားမှာ ဥပဒေအရပြင်းပြင်းထံထံအရေးယူဆောင်ရွှက်နေတဲ့ အရာတခုရှိတယ် အဲဒါက လူအချင်းချင်း အသားရောင်၊လူမျိုး၊ ဘာသာဓလေ့၊ ယဉ်ကျေးမှု့ အစရှိတာတွေကို ထိခိုက်ဆော်ကားရင် ဥပဒေအရပြင်းထံစွာအရေးယူအပြစ်ပေးတယ်။ လူသားအချင်းချင်းခွဲခြားဆက်ဆံရင် ဥပဒေအရပြင်းထံစွာ အရေးယူ အပြစ်ပေးတယ်။ကျနော်တို့ နိုင်ငံမှာ မလိုသူတွေပြောနေကြတဲ့ ကိစ္စတခုက ခေါင်းထဲဝင်လာလို့ပါ၊ အန်တီစု ရဲ့ အိမ်ထောင်ရေးကိစ္စပါ၊ ပြောလိုက်ကြတာ၊ရေးလိုက်ကြတာ ရစရာမရှိဘူး၊ လူမျိုးခွဲခြား ကြည့်မြင်တတ်တဲ့ အတွေးခေါ်ဆိုတာ နှစ်ပေါင်း ရာချီပြီးနောက်ကြကျန်ရစ်ခဲ့ပါပြီ၊ အမေရိကားမှာ လူသားတိုင်း ဥပဒေပါ အခွင့်ရေးတွေကိုတန်းတူခံစားခွင့်ရှိတယ်။ သမ္မတမို့ ပိုပေးတာမျိုး ၊ မျက်နှာမရှိလို့ ပစ်ပယ်တာမျိုး လုံးလုံးခွင့်မပြုဘူး။ အစိုးရဟာ နိုင်ငံတွင်းမှာအပြောနဲ့ သူ့နိုင်ငံသားတွေကို နိုင်ငံပြင်ပရောက်တာတောင် စောင့်ရှောက်တယ်၊ အမေရိကံနိုင်ငံသားများ အခြားနိုင်ငံတခုခုမှာ ပြသနာတခုနဲ့ရင်ဆိုင်ကြုံရပြီဆို လိုက်လံဖြေရှင်းစောင့်ရှောက်တယ် ၊ အနိမ့်ဆုံး ရာဇ၀တ်ပြစ်မှု့ တစုံတရာ ကျူးလွန်တယ်ဆိုရင်တောင်မှ ( ကျူးလွန်ခြင်းအတွက် သက်ဆိုင်ရာနိုင်ငံက ချမှတ်တဲ့ ပြစ်ဒဏ်ကို မကယ်တင်နိုင်တာမှပအပ )ကျန်တာ အကုန်စောင့်ရှောက်တယ်။ ဒါပေမဲ့ ကယ်လို့၊တောင်းဆိုလို့ ရနိုင်သေးတယ်ဆိုရင်တောင်မှ ကယ်တင်တယ်၊ ကျနော်တို့ နိုင်ငံသားတွေ ပြည်ပနိုင်ငံအသီးသီးမှာ အလုပ်လုပ်နေကြသူတွေရော၊ အကြောင်းအမျိုးမျိုးကြောင့် ရောက်ရှိနေကြသူတွေရော အများကြီးပါ၊ မြန်မာသံရုံးဆိုတာ အခွန်ကောက် တဲ့ အလုပ်ကလွဲလို့ ဘာများနိုင်ငံသားအခွင့်ရေးကို အကာကွယ်ပေးနိုင်ပါသလည်း၊ ထိုင်းနိုင်ငံမှာဆို အသတ်ခံရတဲ့ မြန်မာနိုင်ငံသားတွေဆိုတာ နည်းလို့လား၊ ဖြစ်လာပြီဆို ဆင်ဝှေ့ရန်ရှောင် ၊ မျက်နှာလွှဲခဲပစ် စကားကလွဲလို့ ဘာမှလုပ်မပေးခဲ့ပါဘူး၊ တကယ်တော့ ကျနော်တို့ နိုင်ငံသာ စီးပွားဖွံဖြိုးတဲ့ နိုင်ငံတနိုင်ငံဖြစ်နေမယ်ဆိုရင် ဘယ်သူ နိုင်ငံရပ်ခြားကိုထွက်အလုပ်လုပ်ကြမှာလည်း၊ နိုင်ငံရပ်ခြားကိုထွက်အလုပ်လုပ်နေတဲ့သူတွေကိုတောင်မှ ကျွှန်သွားခံကြတယ်ဆိုတဲ့ရင့်သီးတဲ့ စကားတွေနဲ့ ပုတ်ခတ်သေးတာပဲ၊ ကဲ..ထားပါတော့ အဲဒီလူတွေက ကျွှန်သွားခံတယ်ဆို.. ခံခြင်လို့ခံကြတာလားလို့မေးရင်.. ဘယ်လိုပြန်ဖြေမလည်း၊ မိဘမကောင်းတော့ သူများအိမ်မှာသွားပြီး အစေခံလုပ် ကိုယ့်ဘ၀ကိုယ်ရပ်တည်ရတဲ့ သားသမီးများလိုပါပဲ ၊ အချိန်တန်ရင် မိဘက သားသမီးကို လုပ်ကိုင်မကျွှေးတဲ့ အပြင် သားသမီးလုပ်အားခထဲက အရက်ဖိုးဖြတ်တောင်းတတ်တဲ့ မိဘတွေ ကြုံဘူးပါတယ်။

ပညာရေးပိုင်းကိုကြည့်မယ်ဆိုရင်လည်း ကလေးတိုင်းကျောင်းတက်နိုင်ရမယ်ဆိုတဲ့ ပေါ်လစီရှိတယ်။ ငွေကြေးတစ်ပြားတချပ်မှမကုန်တဲ့ အပြင် ကျောင်းမှာတောင် နံနက်စာ၊ နေ့လည်စာတွေနဲ့ ကြွေးသေးတာ၊ တက္ကသိုလ် ကောလိပ်တက်မယ်ဆိုရင်လည်း အမျိုးမျိုးသော ထောက်ပံ့ကြေးတွေအပြည့် ( ကျောင်းတွေ တော်တော်များများက ပုဂ္ဂလိကပိုင်တွေများတယ် - ကျောင်းတက်ခအတွက် ငွေကြေးပေးရတယ် - အဲဒီငွေကြေးအတွက် အစိုးရတွေ၊ ဘဏ်တွေက ပေးတာ )လုပ်ငန်းခွင်ကိုဝင်သွားပြီဆို ပြန်ဆပ်ရတာလည်း ရှိတယ်၊ မဆပ်ရတာလည်းရှိတယ်။

နောက်တခါ အလုပ်အကြောင်းနည်းနည်းပြောခြင်တယ်.. အမေရိကားမှာ အလုပ်သမားအခွင့်ရေး အပြည့်ရှိသဗျ။ အလုပ်သမားသမဂ္ဂဆိုတာတွေက နေရာတိုင်းမှာ ၊ အလုပ်ရှင်တွေက ငါအလုပ်ရှင်ပဲကွဆိုပြီး အလုပ်သမားတွေကို အနိုင်ကျင့်လို့မရဘူး၊မတရားခိုင်းစေလို့မရဘူး၊အလုပ်သမားတစ်ယောက်အတွက် ရသင့်တဲ့ လုပ်အားခကို ဥပဒေနဲ့သတ်မှတ်ထားတယ် ၊ တနာရီ ၇.၂၅ ဒေါ်လာ ) ဒီ့ထက်လျှော့ပေးလို့မရဘူး၊နောက် ကျနော်တို့ အာရှနဲ့မတူတဲ့ အချက်က ဒီမှာ တပတ်ကို နာရီ ၄၀ဆိုတာ ပုံမှန်အလုပ်ချိန်သတ်မှတ်ထားတယ်၊ ဒီ့ထက်ပိုရင် အချိန်ပိုလုပ်အားခပေါ့ အချိန်ပို လုပ်အားခအတွက် ပုံမှန် ထက် တဆခွဲပေးရတယ်၊ ဥပမာ ခင်ဗျားက တနာရီကို ၁၀ဒေါ်လာရတယ်ဆို အချိန်ပိုအတွက် ၁၅ ဒေါ်လာသတ်မှတ်ထားတယ်၊ လုပ်ငန်းခွင်အတွင်းမှာ တခုခုထိခိုက်အနာတရဖြစ်တယ်ဆို လျှော်ကြေးပေးရတယ်၊ အလုပ်လုပ်တဲ့နေရာမှာ လည်း ဥပဒေအရသတ်မှတ်ထားတာက အလုပ်သမားတိုင်းကို နှစ်နာရီလုပ်ပြီးတိုင်း တခါနားခွင့်ရှိရမယ်တဲ့ ( ဒါပေမဲ့ ပျမ်းမျှအားဖြင့်ကတော့ နှစ်နာရီနဲ့ သုံးနာရီကြားလောက်များပါတယ် အလုပ်လုပ်ချိန်နာရီပေါ့ ) နောက် တခုက အလုပ်ရှင်တယောက်က အလုပ်သမားတစ်ယောက်ကို အလုပ်ခန့်လိုက်ပြီဆို - အဲဒီ့အလုပ်သမားကို အကြောင်းမဲ့ အလုပ်ကထုတ်ပစ်တာမျိုး ဥပဒေကခွင့်မပြုဘူး ၊ ဆိုလိုတာက ဥပမာ သူအလုပ်လုပ်တာ မကြိုက်လို့- နေထိုင်မကောင်းခနခနဖြစ်လို့ စတာမျိုးတွေပေါ့ ၊ ထုတ်ခဲ့မယ်ဆို လျှော်ကြေးပေးရတယ် ( ဒါပေမဲ့ အလုပ်ရှင်များဟာ ဒါမျိုးလုပ်ခဲပါတယ် ဘာလို့လည်းဆိုတော့ သူတို့က ဥပဒေနားလည်ကြတာများတယ်)။

ပြောရမယ်ဆို အများကြီးပေါ့ ၊ ပြောလို့ကုန်မှာမဟုတ်ဘူး စပ်မိလို့ တခုရှိသေးတယ် ကျနော်တို့ နိုင်ငံသားတွေက ရဲတို့ စစ်သားတို့တွေ့ရင် အလိုလိုကို လိပ်ပြာလန့်နေကြတာ၊ အဲဒါကို ဒီကရဲတွေက သဘောပေါက်ပုံရတယ်၊ ကျနော်တို့နိုင်ငံသားတွေတခုခုဖြစ်ပြီဆို သူတို့က မကြောက်ဘို့အရင်ဆုံးပြောတယ် ၊ ရဲဆိုတာ လူတွေကိုကူညီဘို့စောင့်ရှောက်ဘို့ပဲ ကြောက်စရာမလိုဘူး ။ တနေ့ကြုံရတဲ့ အဖြစ်ကလေးတခုပေါ့.. ကျနော့်မိတ်ဆွေ တယောက်က ကျနော့်အိမ်အလည်လာတယ်.. သူကအမျိုးသမီးပါ.. သူ့သားလေးနဲ့ ( ၁၀ လသားလောက်ပဲရှိမယ် ) လာတော့ ကျနော့်အိမ်ရှေ့ကိုအရောက် သူမောင်းလာတဲ့ကားပေါ်ကဆင်း ကားတံခါးကိုပိတ် ကျနော့်အိမ်ရှေ့က ဘဲလ်လာတီးတာပေါ့ ( ကျနော်ရှိမရှိပေါ့ဗျာ ) ၊ အဲသလိုနဲ့ သူသတိတခု ၀င်သွားတယ်။ ကားထဲမှာ သူ့ကားသော့ကို ထားခဲ့ပြီး တံခါးပိတ်လိုက်တော့ ကားတံခါးဖွင့်လို့မရတော့ဘူး ၊ ကလေးငယ်က ကားထဲမှာ ၊ ဖြစ်ခြင်တော့ အဲဒီခါကြမှ ကလေးကလည်းထငိုပါလေရော၊ မအေလုပ်သူခမျာ ခြေမကိုင်မိ လက်မကိုင်မိနဲ့ ၊ ကားသော့ကလည်း အပိုမရှိဘူးလေ၊ ဒါနဲ့ ကျနော် ရဲစခမ်းကိုချက်ခြင်း ဖုန်းဆက်လိုက်တယ်၊ အကျိုးအကြောင်းရှင်းပြတယ်။ ပြောရင်ယုံနိုင်စရာတောင်မရှိဘူး ၊ နောက်ထပ် ၁၅ မိနစ်လောက်ပဲကြာမယ်ထင်တယ်။ ရဲကားရောက်လာတယ် သူတို့နဲ့အတူ တံခါးဖွင့်ပေးဘို့ ကျွှမ်းကျင်သူပါ ပါလာတယ်ဗျ၊ ကားပေါ်က အမြန်ဆင်း ကားကိုတံခါးကောက်ဖွင့်လိုက်တာ ချက်ခြင်းပဲ ပြီးမှ ရဲအရာရှိ လုပ်တဲ့ အမျိုးသမီးက ကလေးကိုကောက်ပွေ့တဲ့ပြီး နမ်းရှုတ် မိခင်ဖြစ်သူဆီကို ပြုံးပြုံးကြီးပြန်ပေးလိုက်တယ်။ မိခင်ဖြစ်သူခမျာ ၀မ်းသာလိုက်တဲ့ဖြစ်ခြင်း ကျွှန်တော်တို့နိုင်ငံက အဖြစ်တွေနဲ့မကွာလား၊ နောက်တခါကတော့ ကျနော့် အမျိုးသမီး ၊ တနေရာကိုသွားကြတာ ကျနော်က အပြန်မှာ သူ့ကိုပြောလိုက်တယ် “ ငါတို့အပြန် တက္ကစီနဲ့ပြန်ရအောင် ”ဆိုပြီး ကျနော်က ဘေးနားမှာရှိတဲ့ ဈေးဆိုင်လေးထဲကို ခနအ၀င် အမျိုးသမီးက ရဲကားကို တက္ကစီမှတ်ပြီးသွားတားတယ်ဗျ ( သူကလည်း အဲသလောက်တုန်းတာ) ရဲကားကလည်း ရပ်ပေးပြီး သူ့ကိုမေးတယ် ဘာအကူညီပေးရမလည်းဆိုမှ အမျိုးသမီးက ရဲကားမှန်းသိတော့တယ် ၊ `ဘာအကူညီပေးရမလည်းမေးတော့ ကျနော့်အမျိုးသမီးကလည်း အင်္ဂလိပ်လိုမပြောတတ် ဒုက္ခတွေ့ပါလေရော အဲဒါနဲ့ ကျနော့်ကိုလက်ညှိုးထိုးပြပြီး သူက ကျမအမျိုးသား သူက အင်္ဂလိပ်လိုပြောတတ်တယ် ကျမက မပြောတတ်ဘူးဆိုတော့ ရဲက ကျနော့်ဆီ တန်းတန်းလာတော့တာပဲ။ ကျနော်လည်း ဗြုန်းကနဲဆိုတော့လန့်သွားတယ် နောက်မှရဲကရှင်းပြတော့ ကျနော်ကလည်း ပြန်ရှင်းပြရတော့တယ် ၊ အဲဒီရဲက ကျနော့်ကိုဘာပြောသလည်းဆိုတော့ “ မင်းတို့ အာရှသားတွေက ဒီမှာ မျက်စိခနခနလည်ပြီး အိမ်မပြန်တတ်ကြဘူးတဲ့.. ငါလိုက်ပို့ရမလားတဲ့ ” ကျနော်ကလည်း အားနာသွားတာပေါ့ ။ ရပါတယ် ကိုယ့်ဖာသာကိုယ် ပြန်တတ်ပါတယ်ဆိုမှ ကျနော့်ကို အပြုံးတွေနဲ့ နှုတ်ဆက်ပြီးထွက်သွားတာ၊ ဒါတွေဟာ ကျနော့်ကိုယ်တွေ့ တကယ့်အဖြစ်တွေပါ၊

နောက်တခုက .. သက်ကြီးရွှယ်အို လူကြီးတွေကိစ္စ၊ ကျနော် အမေရိကားထွက်လာတော့ ကျနော့် အမေကိုပါ တပါတည်းခေါ်လာပါတယ်။ အမေက အသက် ၆၅ နှစ်ကျော်ပါပြီ ၊ ဒီရောက်တော့ သက်ကြီးပင်စင်ဆိုပြီး အစိုးရက တစ်လကို ဒေါ်လာ ၇၀၀ နဲ့ အစားသောက်အတွက် တစ်လကို ၂၀၀ စုစုပေါင်း ၉၀၀ ထောက်ပံ့ပါတယ် အဲဒါ အမေ အမေရိကားမှာနေထိုင်သမျှကာလပတ်လုံး ပေးသွားမှာပါ ၊ အဲဒီလိုဆိုတော့ တခါက ကဗျာဆရာကြီး ဦးတင်မိုးပြောသွားတဲ့ စကားလေးကိုသွားသတိရမိတယ်……………..

“ ကျနော် တသက်လုံးလုပ်ကြွေးပြုစုလာသော အမိမြန်မာနိုင်ငံမှ ကျနော့်အားထောင်ချလိုက်ပြီး၊ ကျနော် တခါမှလုပ်ကျွှေးသမှု့မပြုခဲ့သော အမေရိကံပြည်ထောင်စုမှ ကျနော့်အား ပင်စင်ပေးလိုက်ပါသည်တဲ့ ”

ကိုင်းပြောစမှတ်ကိုတွင်ပါလေရော့လားဗျာ၊

အနှစ်ချုပ်ကိုဆိုရရင်တော့ ကျနော် ကိုယ့် အမိနိုင်ငံကို တကယ်ချစ်ပါတယ်။ အခွင့်ရေးတွေဘယ်လောက်ပဲများနေပါစေ၊ ကိုယ့်မြေ ကိုယ့်ရေမှာပဲနေခြင်ပါတယ်၊ မှန်တာပြောရရင် အမေရိကားမှာ မပျှော်ပါဘူး၊ ဒါပေမဲ့လည်းပြန်လို့မှအခွင့်မသာတော့ ဒီလိုပဲ နေရတော့တာပေါ့၊ ကျနော် တို့ဟာ အမြဲတန်းဆန့်ကျင်ရေးသမားတွေမဟုတ်ဘူး၊ ဘာ့ကြောင့် စစ်အာဏာရှင်တွေကိုတွန်းလှန်တိုက်ခိုက်နေရတာလည်းဆိုတာကို ဒီဆောင်းပါးဖတ်ရင်သဘောပေါက်လာပါလိမ့်မယ်။ ကျနော်တို့ အမိမြန်မာနိုင်ငံကို တိုးတက်ချမ်းသာစေခြင်တယ်၊ အမေရိကံလောက်မဆိုလိုဘူး၊ ထိုင်းနိုင်ငံလောက်တိုးတက်တယ်ဆိုရင်တောင် ကျေနပ်နေမှာပါ၊ ( ထိုင်းနိုင်ငံတောင်မှ မြန်မာထက်အများကြီးတိုးတက်နေပြီ )၊

ကျနော့်တို့ကို အုပ်ချုပ်နေတဲ့ အစိုးရဟာ ပြည်သူလူထုကို မိဘသဖွယ် နွေးနွေးထွေးထွေးကြင်ကြင်နာနာနဲ့ သားသမီးတွေကောင်းရာကောင်းကြောင်းကို အမြဲကြိုးစားအားထုတ်နေတဲ့ မိဘနဲ့တူသော အစိုးရဖြစ်စေခြင်တယ်။ သေချာတာတခုတော့ရှိတယ်ဗျာ စစ်အာဏာရှင်များ ယနေ့လုပ်ဆောင်နေတဲ့ ၂၀၀၈ ဖွဲ့စည်းအုပ်ချုပ်ပုံအခြေခံဥပဒေနဲ့တက်လာမဲ့ အစိုးရသစ်ရဲ့စည်းကမ်းပြည့်ဝသောဒီမိုကရေစီကတော့ ကျနော်တို့ အနာဂါတ်မှာ မျှော်လင့်နေမဲ့ မိဘနဲ့တူသောအစိုးရကို ဘယ်လိုမှပုံဖော်လို့မရနိုင်ဘူးဆိုတာ ရဲရဲကြီးအာမခံနိုင်ပါတယ်။

မိဘနဲ့တူသောအစိုးရကို ကျနော်တို့ပြည်သူလူထုတရပ်လုံးတောင်းတလှပါပြီ။လိုခြင်လှပါပြီ။

အားလုံးကိုလေးစားစွာဖြင့်

( မောင်မောင်ဝမ်း )